Mariel Rodriguez defends Willie Revillame's one-million cash donation for typhoon victims

"Kailan ba naging maliit ang one million? Alam n'yo, hindi lang naman yung moment na yun tumulong siya, e. Marami pa siyang ibang tinulungan na hindi natin alam, di ba? Ang dami sa pamilya namin na nawalan din ng bahay, sino ang tutulong dun, si Kuya [Willie] ang tutulong dun. So, I think it's unfair to judge kung magkano ang ibibigay. Dapat maging thankful tayo na nagbigay. There's no help na malaki o maliit, ang importante yung sincere na pagbibigay," says Mariel Rodriguez about Willie Revillame's cash donation for the typhoon victims.

Hindi napigilan ni Mariel Rodriguez na maging emosyunal at ma-touch nang aminin ni Direk Lauren Dyogi, tumatayong Business Unit Head ng Pinoy Big Brother Double Up, na never pumasok sa isip nito na palitan ang tatlong female hosts ng PBB na sina Mariel, Toni Gonzaga, at Bianca Gonzales.

"Nakakahiya, naiiyak ako! Kasi ngayon lang namin narinig 'yan. Kung mayroong show na 100 percent ang ibibigay namin, ito yung show na ito talaga. Naiiyak ako. I'm so gross, umiiyak ako!" bulalas ni Mariel bilang reaksiyon sa pahayag ni Direk Lauren, na ikinatawa naman ng mga press na dumalo sa presscon ng Pinoy Big Brother Double Up kahapon, September 30, sa Plaza Ibarra sa Timog Ave., Quezon City.

Nauna rito, inamin ni Mariel, pati nina Toni at Bianca, na nag-isip din sila na baka mapalitan na sila as hosts ng PBB dahil maraming mga baguhan at mas bata na pumapasok sa showbiz. Pero malaki nga ang pasasalamat nila dahil hindi sila pinapalitan ng management. Napakalapit na raw sa mga puso nila ang PBB, kaya siguradong malulungkot sila kung mapapalitan sila as hosts.

PBB DOUBLE UP. After ng presscon ay muling na-interview ng PEP (Philippine Entertaiment Portal) at ng iba pang press si Mariel. At dito nga ay inihayag niya ang labis na kasiyahan sa muling pagbubukas ng Bahay ni Kuya sa Pinoy Big Brother Double Up ng ABS-CBN. Mapapanood ang live "magical opening" ng PBB sa Linggo, October 4, 7:30 p.m. sa ABS-CBN. Regular naman itong mapapanood sa Pimetime Bida simula sa October 5.

"Sobra kong saya na muling magbubukas ang Bahay ni Kuya sa October 4. Super saya ko talaga!" excited na sambit ni Mariel.

Bakit Double Up?

"Kasi, kami rin, hindi pa namin alam. Actually, malalaman lang natin 'yan sa October 4. Pero kami, meron kaming sari-sarili naming mga haka-haka. Ako, feeling ko, baka puwedeng two seasons in one. Ang una kong guess, dalawa yung bahay. Feeling ko, may chance na totoo yun. Kasi sinabi nga, major renovation, di ba?"

Ano'ng mga dapat abangan sa mga bagong housemates?

"Kasi every season naman, they never chose the same. Like there was no Keana [Reeves] No. 2. There was no Ethel Booba No. 2. There was no Sam Milby No. 2. Laging iba. Ang dapat talagang abangan yung iba't ibang stories ng bawat housemate. Yung paano sila makikisama sa isa't isa. At saka yung mga task ni Kuya, kasi yun talaga yung bongga dun, e. Feeling ko nga, he will do something to help yung mga victims nitong baha. Feeling ko lang, if it's not the first, it will be the second task or something."

TYPHOON ONDOY. May alam ba siya kung may nasalanta ng bagyong Ondoy sa mga housemates na papasok?

"Meron akong alam na binaha, na almost hindi makapunta sa pictorial. Pero I think sa kagustuhan talaga nilang maging housemate, alam mo, umabot sila. That's what I heard, ha. Kasi nag-VO [voice over] ako for that kaya alam ko. E, lahat naman, wala namang pinili yung Ondoy, e—mahirap, mayaman, bata, matanda. Di ba, lahat talaga, grabe! Pero nakita ko naman na lahat nag-e-effort tayo. Hindi kailangan malaki, maliit na tulong, pero nakita ko na meron talagang tumutulong talaga."

Naapektuhan din ba siya ng bagyong Ondoy?

"Naapektuhan ako in a way na kasi nung day na yun, nag-Game KNB? ako. Tapos nag-Wowowee ako. Hindi umabot yung dalawang kasama ko [Toni Gonzaga at Bianca Gonzales] sa E-Live, nag-E-Live ako hanggang [Cinema] FPJ, kinain namin yung oras. So, ang tagal ko sa TV. Sabi ko, baka nasusuka na yung mga tao sa face ko, sunud-sunod. So, dun sa part na yun, na-affect ako.

"Pero you know, I'm really very, very blessed kasi yung family ko, I mean, nag-wait sila sa car for six hours, na-traffic sila, lolo't lola ko ganun. Pero ako, hindi ako binaha kasi mataas yung floor ng condo ko. I'm really so lucky and I'm so thankful," saad ni Mariel.

ZANJOE MARUDO. Nag-worry ba ang boyfriend niyang si Zanjoe Marudo?

"Hindi, because he knew I was in ABS. So, nakaka-text ko siya. Actually, kasi ang tagal ko sa ABS, sobra kasing takot ako sa baha. Takot ako kasi never ko pang na-experience yung lumusong sa baha. Hindi naman sa dirty water, scared lang ako na yung tubig papasok sa kotse. Hindi mo alam kung anong mangyayari. Never ko pa kasing na-experience, so scared talaga ako."

Tinutulungan daw siya ni Zanjoe sa pag-aayos ng condo niya. Ibig bang sabihin nito ay nagli-live in na sila?

"Matagal na isyu na 'yan," sabi ni Mariel. "Sabi nga nag-break na raw kami. Tapos may isyu pa na buntis daw ako. Teka lang naman, nag-e-effort ako para magpapayat, tapos sasabihin na buntis ako!"

Lumabas din ang isyu na nagselos daw si Mariel sa kasamahan ni Zanjoe sa Lovers in Paris na si Maricar Reyes. Totoo ba ito?

"You know, I answered it before, na I feel bad for Maricar because it's not true. First of all, hindi naman kami nag-break [ni Zanjoe]. So, it's really not true. Naaawa ako sa kanya kasi nasasangkot siya na hindi naman dapat. At saka feeling ko, kung sakali mang maghiwalay kami, hindi dahil sa ibang tao, sa third party. He's just not that way. I'm not naman that way also."